قمري نائبة المديره
عدد الرسائل : 178 العمر : 33 العمل/الترفيه : طالبة المزاج : كوووووووووووووول : الأعلام : مزاجى : المهنة : الهواية : اسم شخصية الأنمى المفضله : كيلوا زورو جارا تاريخ التسجيل : 10/08/2008
| موضوع: الام الهاي والام الهاظيك الإثنين أبريل 13, 2009 1:30 pm | |
| هذه المقارنة نبين لكم كيف توصي الأم الهاي فاي ولدها قبل الذهاب الى المدرسة وبالمقابل شوفو الأم الهظيك شو بتقول لأبنها
الأم الهاي: لا تنسى مامي تاكل الكورواسو في البريك
الأم الهظيك: يمه... صندويشة الزعتر بالكيس اوعه
يلطشوها منك
الأم الهاي: خليك عالرسيف لبين ما ييجي الباس واوعا من هدول اللي بيشحتو
الأم الهظيك: بتروح عالمدرسة دوز دوغري ويا ويلك اذا بعرف انك شلفت اليوم
هاي: زي ما وسيتك ابعد عن الشلة النوتي اللي بتاكل السندويتش تبعك
هظيك: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم
هاي: مامي دونت فورجيت لما ترجع ما رح تلائيني في البيت عندي جيم متأخر اليوم خلي الشغالة تسخنلك البرغر
هظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر
هاي: على فكرة المس كتير زعلانه منك وبعتتلي مسج انك صاير نوتي في الصف
هظيك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا
هاي: مامي لما تروح لا تقتع الشارع واستنى بابي لما يوصل
هظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات
هاي: قول لسحابك ميمي وتوتو ييجوا على عيد ميلاد اختك نانا
هظيك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا
هاي: مامي خليك كلاس مع المس تبعك ولو دليت هيك بجبلك موبايل جديد هظيك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع
هاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ
هظيك: الاستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر | |
|
ملكة المنتدى المديره معاً يد بيد اسرةً واحدةً لعالم افضل
عدد الرسائل : 212 العمر : 29 الموقع : https://animat.ahlamountada.com/ العمل/الترفيه : طالبه المزاج : رايقه : الأعلام : مزاجى : المهنة : الهواية : اسم شخصية الأنمى المفضله : ساسكى SaSuKe تاريخ التسجيل : 08/08/2008
| موضوع: رد: الام الهاي والام الهاظيك السبت أبريل 18, 2009 6:37 pm | |
| هههههههههههههههههههههههههههههههههههههههههههه فرق كبير موت بنهم مشكوره قمرى على المفارنه | |
|
قمري نائبة المديره
عدد الرسائل : 178 العمر : 33 العمل/الترفيه : طالبة المزاج : كوووووووووووووول : الأعلام : مزاجى : المهنة : الهواية : اسم شخصية الأنمى المفضله : كيلوا زورو جارا تاريخ التسجيل : 10/08/2008
| موضوع: رد: الام الهاي والام الهاظيك الأربعاء أبريل 22, 2009 2:24 pm | |
| شكرا علي ردك الحلو نورتي صفحتي تحيتي | |
|